Республикалық референдум туралы

Қазақстан Республикасы Конституциясының 91- бабының 1- тармағына және "Республикалық референдум туралы" Қазақстан Республикасы Конституциялық заңының 18- бабына сәйкес Қазақстан Республикасы Президенті Қасым-Жомарт Кемелұлы Тоқаевтың 2022 жылдың 5 маусым күні республикалық референдум өткізу туралы Жарлығы шықты. Конституциялық реформа - Қазақстанға тарихи мүмкіндіктер беретінін мектеп ұжымына түсіндіру мақсатында ақпараттық түсіндіру жұмыстары жүргізілді.
№47 орта мектебінде 2022 жылдың, 24 мамыр күні мектеп директоры А.Б.Ботамкулова "Жаңа Қазақстан - жаңартылған Конституция" 2022 жыл, 5 маусымдағы Республикалық Референдум өзгерісі туралы ақпараттық түсіндіру жұмысын жүргізіп, мектеп ұжымымен жиналыс өткізді.
Мектеп директоры А.Б. Ботамкулова "Жаңа Қазақстан - жаңартылған Конституция - 2022" туралы түсіндіріп өзгерістер енгізілген баптар жеке таныстырылды.
Директордың тәрбие ісі жөніндегі орынбасары Г.С.Ратаева Жаңа Қазақстанды, жаңа құқықтық мемлекетті құруда референдум өткізудің қажеттілігін нақты түсіндіре отырып, мектеп ұжымын республикалық референдумға белсенді қатысуға шақырды.